訂做波衫,班服有乜需要注意?

係咪好多時做波衫/班服,實物都會有色差?

係咪好多時做波衫/班服,實物設計上都有出錯?

係咪好多時做波衫/班服,去到舖頭試身,最後都唔岩著,尺寸出問題?

等我地幫下大家解決以上問題啦!


  • 色差問題。

好多時實物顏色同設計圖顏色都會有出入。主要因為電腦顏色輸出係同印刷顏色係有分別的。我地個MON 係用RGB色。而我地印衫GE色係CMYK。所以顏色上係點都會有差別的。

解決方法:因為時間同成本的關係,一般舖頭都唔會做一個樣版比你睇的。但身為客人的你,係可以要求哥間舖頭做一個樣版你CHECK下個實物顏色先。咁就可以起貨前知道實物色差有幾多。因為好多時色差都會幾大。如果哥間舖頭唔願意比樣版你睇。咁你就要考慮清楚係咪要係佢度做衫啦。因為一但落單。就無得反轉頭了。

上圖為做衫前必須做的樣品。可以用來對色,印圖比例。如有需要可要求舖頭更改。

 

  • 設計明明做左ABC,點解出黎印左ACB?

你地做左設計後。其實舖頭都係需要搵設計師幫手做返一個岩比例,顏色的設計圖。所以有機會打錯需要GE人名/號碼或其他文字上GE野。

解決方法:咁LE個最好就係要求舖頭係落單前比一個做好晒名單GE設計圖你睇睇先。你對好晒。無錯先開波做衫。咁就大家都好。因為做錯衫係舖頭需要負責的。如果佢地不願意負責。咁你都係要再考慮一下係咪之後都要繼續搵佢做衫啦。

 

  • 去左舖頭試身。最後攞貨唔岩著!

先小人後君子。問下自己係咪肥左先?點解咁講?因為現時大多數GE訂衫舖都係人手做衫的。所以會有一定GE尺寸誤差。

解決方法:試完身都好,都要問舖頭攞尺寸表睇。用電話影張相/上佢地GE WEBSITE 度睇下個尺寸表(如果有的話)。之後返屋企再度一下自己最舒服GE衫/褲。咁就萬無一失啦!同樣地。如果人地一早講明佢地的合理誤差範圍係好大GE。。咁個責任就係你自己度啦。。因為你無睇清楚就落單。唔好怪人啦~。

 

  • 設計圖設計比例同實物不符。

係咪好多時都明明個圖係心口大大個。但出黎點左細細個?或者明明要做白色暗花。。點解出黎變左乜都睇唔到或者個暗花移左位?

解決方法:同最開頭一樣啦。叫舖頭比個實物比例圖你睇睇先。因為衫係有不同尺寸。。不同大細的。。你設計圖係100%不等於實物的比例。所以做之前要有心理準備啦!~

 


WIN – WIN 雙贏的做法

做衫其實大家都對個貨品係有責任的。不要一尾只話舖頭LE樣做得唔好哥樣做得唔好。

先了解一下自己係咪做足晒事前準備。同舖頭溝通好你的諗法。咁就係最好啦。

因為所有做衫GE舖頭都係希望出到一件/一套大家鐘意,著上身又舒服GE衫姐。

所以就做衫前可以先了解一下舖頭GE資料。

係咪一間值得信賴GE商舖。

都係一分錢一分貨。過份低價不一定是最好喔。最後得不償失就唔好啦~

 

 

 

Please follow and like us:
0